Analizo Husin SBS Kona - vi prezidensiál eleisaun Iha Timoro - Leste - Ho tradusaun ba tetuma

Misa privadu ba kandidatu prezidente ida. Ema la koñese nia iha li'ur, maibé iha rai-laran ema hotu-hotu foti aas Taur Matan Ruak Tanba ninia papél iha funu ba libertasaun, ema hotu-hotu hasa'e nia nu'udár asua'in. Maibé sei iha mós pergunta balu kona-ba ninia pasadu iha foin daudauk ne'e Isuisu kontinua mosu kona-ba ninia papél iha revolta iha F-FDTL laran iha tinan 2006 no mós ninia kometimentu ba governu demokrátiku. Maibé Padre ne'ebé halo misa ne'e mós la ajuda bainhira afirma katak Taur halo ditadura di'ak ida. Buat ne'ebé nasaun ne'e la presiza duni mak ditadór ida. Nu'udár ema hotu-hotu hatene, prezidente nia papél ne'e serimoniál de'it. Prezidente ladún iha podér maka'as. Ida ne'e mak pergunta boot ida kona-ba Taur Matan Ruak, katak Timor-oan barak mak husu se nia sei buka atu halo liu tiha ninia papél hanesan prezidente serimoniál ida. Taur Matan Ruak nia rivál mak ema ida ne'e, kandidatu husi FRETILIN, Francisco 'Lu Olo' Guterres FRETILIN protesta maka'as ona kona-ba estilu ne'ebé kandidatu ne'e uza iha ninia kampañe, no mós tanba nia mosu ho ninia farda militár, akompañadu husi soldadu ho kilat. Preokupasaun hanesan mós mai husi kandidatu Jose Ramos-Horta. Parese nia iha direitu atu hetan eskoltu militár, tanba nia nu'udár eis xefe militár nian. Maibé nia mós kandidatu ida. Se ha'u karik, ha'u mós tenke kuidadu uitoan ho buat ne'e. Hafoin vida tomak servisu ba nia nasaun, Jose Ramos-Horta nia karreira polítika parese atu ramata daudaun ona Primeiru Ministru Xanana nia desizaun atu abandona nia hodi apoia Taur Matan Ruak signifika katak nia sei laiha xanse atu hetan termu ida tan hanesan prezidente. Prezidente Ramos-Horta toma pozisaun forte hasoru korrupsaun iha governu no mal-governasaun. Ida ne'e mak razaun ida hodi fahe nia ho Xanana. Maibé se tanba ida ne'e mak nia lakon, nia dehan nia sei la arrepende buat ida. Nia dehan nia sei hun husi podér ho orgullu tanba nia hatene katak ninia susesór sei simu nasaun ida diferente tebtebes. Ida ne'e mak ha'u nia konsolasaun boot liu, ka kontente tanba ha'u sei transfere nasaun ida ne'ebé la'ós iha krize laran. Tanba ha'u simu nasaun ida sabraut tebtebes. Karik nia lakon, ninia susesór sei simu tarefa ida boot tebtebes iha mundu internasionál. Brian Thompson ba World News Australia, iha Timor-Leste.